09.04.2026
Et geet den Sonndeg den 02.08.2026 um 10.00 Auer (vollgetankt) bei der Moto-Union um Rit fort. Fir den geplangten Tour, hunn mir eng kleng Streck vun zirka 250 Kilometer geplangt.
Den Tour féiert eis vir d'éischt an Belsch, laanscht di lëtzebuerger Grenz.
Mir kommen dann zréck an eist Ländchen an et geet Richtung Éisleck, wou mir an der Fussekaul op der ESSO Tankstell eng Mëttespaus maachen (no zirka 150 km) an och dann tanke kënne falls noutwenneg.
Vun do aus geet et Richtung Osten weider, wou mir bei Stolzebourg op die däitsch Säit wiesselen. Et geet dann op der däitscher Säit weider bis op Dillingen, dann zréck op Lëtzebuerg.
Mir fueren dann Richtung Westen fir um Wandhaff Richtung Schëffleng ze fueren.
Et ass geplangt och e Patt op eiser Arrivée an der rue Basse am Café ze drénken.
Fir d'Mëttegiessen brauch een sech net extra unzemellen. Mir iessen op der ESSO Tankstell am Gourmet Rapide Resto an der Fussekaul, do kritt ee kleng Menuen wéi Pizza, Burger asw.
Et wir awer net schlecht, wa mir ongeféier wéissten, wéivill Biker um Start sinn, da kënne mir vlait nach een Tourguide informéieren.
Dir kennt iech gäre per Mail oder Telefon (jscheuer@pt.lu oder 621 642 889)
beim mir mellen.
Ech fueren Streck e Freideg de Mëtten geint 16.00 Auer nach eng kéier of, falls et gréisser Ëmleedungen sollt ginn. Falls Intresse um Tour, weg bei mir mellen, merci.
Fir eise Motocross den 20. September 2026 brauchen mir nach emmer Fräiwëlleger fir Streckenposten. Dofir wiere mir frou, wann sech nach deen een oder aneren géif mellen. An dat beim Marcel Clement um 621 726 471.
Merci
BOXC 2025 BELGIAN OPEN CROSS COUNTRY CHALLENGE D’ENDURANCES Laurent FOELLER 1ère Place - Catégorie SOLO
De Laurent ass wéi ugekënnegt Sonndes de 26. Oktober zu Bèche/Vielsam un den Départ gaangen, a konnt do an der Catégorie Solo déi drëtt Platz erausfueren. Duerch dëst excellent Resultat huet hien, wéi och schonn 2024, an der Catégorie Solo, den BOXC 2025 mat engem Total vun 53 Punkten fir sech entscheed. Mir gratuléieren dem Laurent fir dëse sportlechen Exploit.
E Sonndeg den 19. Oktober 2025 hunn Piloten vun eisem Veräin, de Jeff EICH, de Pierre THILTGEN an de Laurent FOELLER um BOXC -Belgian Open Cross Country- ee Challenge d’Endurances zu Gouvy deelgeholl.
De Veräin gratuléiert senge Piloten fir hir Leeschtungen bei dëser Kompetitioun.
Eise Pilot de Laurent FOELLER ass e Sonndeg eng ganz gutt Course gefuer. No méi ewéi véier Stonnen hat hien sech eng Platz um Podium geséchert. De Laurent huet an der Kategorie Solo déi zweet Platz gemaach.
Wann dir eis Piloten gär ënnerstëtzt, da kommt de nächste Sonndeg, den 26. Oktober 2025 op Beche (Vielsalm) wou déi lescht Course am BOXC vun der Saison 2025 gefuer gëtt.
Nom Motocross den 21.09.2025 zu Diddeleng, mat gaaanz vill Reen a Bulli, heescht et vill Zäit an d'Botze vun de Maschinnen an dem Equipement ze stiechen. Leider huet Wieder net matgespillt, mee do hate mir als Moto-Union Scheffleng net vill impakt drop. Mir hunn awer duergehal bis zum Schluss a versicht dat Bäscht draus ze maachen. Merci un jiddereen eenzelnen, deen gehollef huet, sief dat bei de Preparatiounen virum Sonnden, an awer och dei, dei den Dag selwer dem Bulli getrotzt hun an geschafft hunn, de Piloten an hiren Leit an jiddereen deen de Wee bei eis op de Bierg fonnt huet. Ouni all déi wier et net meiglech de Motocross stattfannen ze loossen!!!
Si hunn Trails am Minett gerockt an duerno gouf de Stage bei leckerer Pasta ausklénge gelooss. En décke Merci un Motor Union Schifflange fir Organiséiere vun desem flotten Dag. Kanner wei Trainer ware begeeschtert.
Motor Union Schëffleng seet Jidderengem villmols Merci, deen bei eis koum.
Och dest Joer goung en Don un MSL
Anne LEURS, Directrice vun Multiple Sclérose Lëtzebuerg huet de Chèque entgéint geholl